शतकानुशतके सर्व आघातांना पुरून उरणारी आमची भारतीय कुटुंब/परिवार व्यवस्था पुन्हा अधिक मजबूत व्हावी. हिंदू जीवनदृष्टी, जीवनमूल्ये आणि परंपरा यांची महानता तसेच या कुटुंब व्यवस्थेची शक्ति, उपयोगिता व भूमिका नवीन पिढीला कळून यावी. त्यातून त्यांनी आपली जीवनशैली अनुरूप करून सुखी-समाधानी व्हावे, या हेतूने ज्येष्ठ समाजसेवी कार्यकर्ते मा. श्री. कृष्णप्पांजी देशभर फिरून परिवार प्रबोधन हा विषय चालवित आहेत. त्यांच्या व्याख्यानां च्या आधारे हे पुस्तक सोप्या भाषेत व अगदी मुद्देसूद तयार करण्यात आले आहे.