“I give colors to your eyes; you give beats to my heart. That’s an equivalent exchange.” Pilit na inirereto kay Yoomi ng kapatid niya ang amo nitong may apat na “M”—matandang mayamang madaling mamatay. Para takasan ang lalaki, pinikot ni Yoomi si Jason Javier, ang manliligaw niyang guwapo na, tagapagmana pa ng isang malaking kompanya. Ang balak niya ay perahan lang si Jason at iwan ito oras na makuha na niya ang kailangan sa lalaki. Ngunit sa maiksing panahon ng pagsasama nila bilang mag-asawa ay natutunan na niya itong mahalin. Ang akala ni Yoomi ay maayos na ang lahat. Mahal niya ang asawa at natutulungan pa siya nito sa problemang pampinansiyal. Hanggang sa matuklasan niya ang lihim nito. Hindi si Jason ang tagapagmana ng mga Javier!