മലയാളിയുടെ വിശ്വാസത്തിന്റെയും വിസ്മയത്തിന്റെയും ജീവകലയാണ് തെയ്യം. തെയ്യങ്ങളുടെ വിഭ്രാമക ലോകത്തേക്ക് വായനക്കാരെ വലിച്ചെടുക്കുന്ന പുസ്തകം ആണിത്. ചിന്തയുടെയും കാഴ്ചയുടെയും പ്രകൃതി ബോധത്തിന്റെയും അനുഭൂതി വളർത്തുന്ന ഈ കൃതി ചിറക്കൽ പെരുങ്കളിയാട്ടത്തിന്റെ സജീവ ശേഖരമാണ്. അതിശയിപ്പിക്കുന്ന ചിത്രങ്ങളിലൂടെയും ആകർഷകമായ കഥകളിലൂടെയും വിസ്മയിപ്പിക്കുന്ന വീഡിയോകളിലൂടെയും തെയ്യങ്ങളുടെ ചരിത്രവും ചാരുതയും ഇവിടെ വെളിപ്പെടുന്നു. കാലത്തിൻറെ പരീക്ഷണങ്ങളെ അതിജീവിച്ച് കരുത്താർജ്ജിച്ച കേരളീയ കലാപൈതൃകത്തിന്റെ അനുഭവം ആസ്വാദഹൃദയങ്ങളെ ത്രസിപ്പിക്കുന്നു. പുതിയ ആസ്വാദകർക്ക് തെയ്യത്തെ പരിചയപ്പെടാനും അറിവിൻറെയും അനുഭൂതിയുടെയും കല കണ്ടെത്താനും ഈ കൃതി സഹായിക്കുന്നു. കാഴ്ചയുടെ കാന്തിയും ഭാഷയുടെ ഭാവനയും ഒത്തുചേർന്ന ദൈവങ്ങളുടെ നൃത്ത രാത്രികൾ എന്ന പുസ്തകം ലോകമെമ്പാടുമുള്ള നൂറിലധികം പണ്ഡിതപ്രമുഖരുടെ അറിവുകൾ തെളിയുന്ന തെയ്യ ജ്ഞാനശേഖരമാണ്. ഈ അനുഭവകോശം, നമ്മുടെ വികാരത്തിലും വിചാരത്തിലും പുതിയ രസലോകങ്ങളെ ഉണർത്തുന്നു.