“Hindi ko akalain na darating ang panahon na magagawa kong harapin at lagpasan ang problemang lagi kong tinatakasan… Ang lahat ng iyon ay dahil sa `yo.” Isang aksidente ang naging dahilan ng kanyang pagkaka-comatose. Nang sa wakas ay magising siya ay nagsimula naman siyang dalawin ng misteryosong lalaki sa kanyang panaginip. Sa kalaunan ay hindi lamang ang pagtulog niya ang binulabog nito kundi maging ang damdamin niya para sa kanyang nobyo. Paano, ang nobyo niya ang nasa harap niya ngunit sa tuwina ay ang imahe ng lalaki sa kanyang panaginip ang kanyang nakikita. Tila pinaglaruan siya ng tadhana nang biglang magkatawang-tao ang lalaki at magtagpo ang kanilang mga landas sa mismong araw ng marriage proposal ng kanyang nobyo. Noon tuluyang nagulo ang tibok ng kanyang puso. Ano ang pipiliin niya: ang ipinahihiwatig ng kanyang panaginip o ang idinidikta ng kanyang realidad?