Koulè kouraj: Konprann drapo ayisyen an se yon istwa ki te dewoule 18 Me, nan mitan preparasyon parad pou jou fèt drapo ayisyen an.Yon ti pitit fi ki rele Biarha, nan kòmansman, pat ka konprann anvi manman l te genyen poul te mennen l patisipe nan parad la. Paske li menm, li te vle rete lakay li pito. Men, Manman Biarha te pran yon ti tan pou rakonte l kisa selebrasyon sa vle di. Li te pale l de istwa, kilti, ak lit pou libète Ayiti. Ak repiyans, Biarha dakò ale nan parad la ak manman l, kote li fè eksperyans bèl koulè, mizik, ak richès ki gen nan kilti Ayiti. Sou wout la, li rankontre manje tradisyonèl, atizan, epi li aprann konnen bagay ki rasinen e ki kache dèyè koulè drapo a. Tankou, ble a ki se senbòl lespwa ak linite, epi wouj la ki reprezante san ki te koule pou libète. Nan rankont ak pèsonaj istorik tankou Jean Jacques Dessalines, Biarha jwenn yon konpreyansyon ki byen rasinen nan batay Ayiti a pou endepandans. Lè parad la pral fini, premye repiyans Biarha te genyen an, chanje an fyète ak lanmou anvè eritaj li kòm ayisyen. Li reyalize kisa sa vle di: onore epi selebre, istwa ak kilti Ayiti ki pa gen pri .