あらすじ
yah kahaanee ek sachchee ghatana par aadhaarit hai jisamen ek naaree ko usakee apanee hee maata dvaara duhkh milata hai kyonki usakee maata ka maanana hai ki usaka punarjanm hua hai. usakee maree huee badee bahan hee usake yahaan betee ke roop mein janmee hai. usake pati ko chheenane kee cheshta kar rahee hai. maata ka yahee ehasaas jeevan bhar rahata hai aur vah use kabhee apanee betee nahin maan paatee hai. ek betee apanee maan ke jinda rahate pyaar ko taras jaatee hai, marate dam tak. par apanee maan kee napharat ko nahin mita paatee. jindagee bhar dushvaariyon mein jeetee rahatee hai par usake maata-pita ya samaaj ka koee bhee paksh usakee sudh nahin leta. yah pustak hamen samaaj ke us kroor hisse ko darshaatee hai jisamen khoon ke rishte keval ek manahoosiyat ke ehasaas se hee khatm ho jaate hain. gudiya ke saath jo hua vah lekhika ne pratyaksh anubhav kiya hai. lekhika ne us dard ko mahasoos kiya aur us dard ko apane shabdon mein pirone kee cheshta kee hai. ye kahaanee hame samaaj ke vibhats roop va maan ke dvaara betee ke saath kiye gae ghrnit vyavahaar ko dikhaatee hai
