Khaali Khat By Poornima Chaturvedi Kuch kahaniyaan likhi nahi jaati... mehsoos ki jaati hain. Gaon ke ek kone mein, Raghubir Singh har raat ek patr likhte hain - bina shabd ke, bina mukhya keval ek naam ke saath: Gudiya. Wo likhna nahi jaante, par har khaali kagaz unke dil ka ek tukda hota hai. Unki beti sheher chali gayi hai, sapnon ke peeche... par Raghubir ka sapna sirf itna hai - ek din vo laut aaye. Khaali Khat ek samvedansheel kahani hai ek pita aur beti ke bich ke rishton ki - judai, yaadein, intezaar aur pyaar se bhari hui. Gaon ki mitti se juda ek pitaji ka akelaapan aur sheher ki bheed mein khoi hui ek beti ka dard, dono ek doosre ko yaad karte hain... bina kuch kahe. Sheher mein Gudiya naye logon, naye jhoothon, aur dil toadne waali haqeeqaton se guzarti hai. Jab ek din uske haath lagta hai ek khaali khat - tab usse apne asli astitva ka ahsas hota hai. Khaali Khat un sab logon ke liye hai jo kabhi ghar se door gaye hain, aur unke liye bhi jo har shaam kisi apne ke lautne ka intezaar karte hain. Yeh kahani aapke dil mein ek narm kona chhoo jaayegi - aur shayad ek purana patr yaad dila jaayegi.